Piramida e shpirtrave

Romani “Piramida e shpirtrave” është një satirë e asaj që në mënyrë eufemistike quhet tranzicion në Shqipëri. Autori është përpjekur të jap një tablo realiste të së përditshmes shqiptare, në nje garë të pabarabartë ku realiteti ia kalon fantazisë, duke e bërë shkrimtarin të ndihet i pafuqishëm.
“Piramida…” është një roman pa heronj, ose më saktë një roman i antiheroit. Për këtë arsye, por edhe për një truk tjetër që lexuesi mund ta zbulojë mbasi ta ketë lexuar librin, autori e quan romanin e vet antipoemë, duke thyer skemën e klasifikimit tradicional të një vepre letrare.