Gjergji dhe Bell…

Pas shumë e shumë vitësh prej  kohëve të arta  të një epoke tjetër, kur e gjithë bota e njihte shumë mirë ekzistencën e një populli të madh në një gadishull, që bota e quantë gadishulli Ilirik, e deri në çastin kur një gjeneral i lavdishëm me emrin Gjergj, kreu një vepër arti të hatashme në fushën e Torviollit,  emri i këtij populli të madh europian ish zhdukur mes territ dhe tymnajës së  dyndjeve te ardhacakeve

Ndërkohë, fenomeni “Gjergj “ shpërtheu si  një vepër arti e mahnitshme. E gjithë bota kishte njohur  gjeneralin më të madh të të gjitha kohërave …Kishte njohur shpëtimtarin e saj dhe njëkohësisht kalorësin e krishterimit. Në Torvioll ai kishte kryer një vepër arti. Betejat e tij të mëtejshme do të shkruanin me gërma të arta një përfundim të çuditshëm; gjithshka bëhet me art.! Ne i themi  talent, por në fakt, çdo gjeni e ka të ravijëzuar thellë inteligjencën  në ato zona të trurit ku pikturohet, ku shkruhen poezi, ku këndohet dhe ku  kompozohen fitoret e lavdishme të kombit.