Kushtet e përdorimit

One or Zero Inc. menaxhon shitjet online ndaj klientëve dhe përpunimin e pagesave përmes Stripe.

Florenc Duhanxhiu PF, subjekt i regjistruar në Shqipëri, menaxhon marrëdhëniet kontraktuale me autorët dhe shtëpitë botuese, si edhe pagesën e përqindjeve/royalties që u takojnë sipas marrëveshjeve përkatëse.

Këto dy subjekte veprojnë me role të ndryshme brenda ekosistemit Libra24.

Për të kryer një blerje në Libra24 duhet të jeni të paktën 18 vjeç dhe të keni zotësi ligjore për të lidhur kontratë.

Duke kryer një porosi, deklaroni se plotësoni këtë kusht dhe pranoni këto Kushte të Përdorimit.

Libra24 lejon blerjen e librave digjitalë edhe pa krijuar një llogari përdoruesi.

Blerësi është përgjegjës për saktësinë e emrit, mbiemrit, adresës së email-it dhe të dhënave të tjera të vendosura gjatë checkout-it.

Libra24 shet libra digjitalë në format PDF, EPUB ose në të dy formatet, sipas titullit.

Formati i disponueshëm shfaqet në faqen e produktit përpara blerjes. Blerësi duhet të verifikojë që pajisja ose programi i tij mund ta hapë formatin e zgjedhur.

Një libër konsiderohet i dorëzuar pasi pagesa është konfirmuar dhe mundësia për shkarkim është bërë e disponueshme.

Pas pagesës, butoni Download/Shkarko shfaqet menjëherë dhe blerësit i dërgohet gjithashtu një email me mundësinë ose informacionin për shkarkim.

Për arsye sigurie dhe mbrojtjeje të përmbajtjes, çdo porosi lejon deri në 10 shkarkime të kopjes së blerë.

Pas arritjes së kufirit, e drejta për shkarkime të tjera mund të çaktivizohet. Në rast problemi teknik të arsyeshëm, blerësi mund të kontaktojë Libra24 për shqyrtimin e rastit.

Blerja e një eBook-u nuk transferon të drejtat e autorit ose pronësinë intelektuale mbi veprën.

Blerësi merr një licencë personale, joekskluzive dhe të patransferueshme për lexim personal.

Kopja e blerë mund të përdoret vetëm në pajisjet e individit që ka kryer blerjen.

Pa autorizim të posaçëm ndalohet:

• shpërndarja e librit te persona të tjerë;
• dërgimi i file-it përmes email-it, WhatsApp-it, Telegram-it, cloud storage ose mënyrave të ngjashme;
• publikimi në website, forume, rrjete sociale ose platforma file-sharing;
• rishitja ose rishpërndarja e kopjes;
• përdorimi komercial pa autorizim;
• heqja, fshehja ose ndryshimi i watermark-ut ose elementeve identifikuese;
• krijimi ose shpërndarja e kopjeve pirate.

Për të mbrojtur autorët dhe për të dekurajuar shpërndarjen e paautorizuar, kopjet PDF mund të personalizohen në çdo faqe me:

• emrin dhe mbiemrin e blerësit;
• email-in e përdorur në porosi;
• kodin ose numrin e porosisë.

Blerësi nuk duhet të përpiqet të heqë ose ndryshojë këto elemente.

Nëse Libra24 ka arsye të besojë se një kopje është shpërndarë në mënyrë të paautorizuar, mund të çaktivizojë menjëherë të drejtën e mbetur për shkarkim të porosisë.

Libra24 mund të ruajë provat e nevojshme të transaksionit dhe të njoftojë autorin, botuesin ose mbajtësin e të drejtave kur kjo është e nevojshme.

Çmimet dhe taksat mund të ndryshojnë sipas shtetit të blerësit dhe rregullave tatimore të zbatueshme.

Shuma finale i shfaqet blerësit në checkout përpara konfirmimit të pagesës. Duke përfunduar porosinë, blerësi pranon shumën finale të paraqitur.

Pagesat online të klientëve përpunohen përmes Stripe.

Libra24 nuk ruan numrin e plotë të kartës së klientit kur ky informacion përpunohet nga Stripe. Përpunimi i pagesës mund t’i nënshtrohet gjithashtu kushteve dhe politikave të ofruesit të pagesës.

Kur ligji i zbatueshëm i jep konsumatorit të drejtë të tërhiqet nga një kontratë në distancë, kërkesa mund të bëhet brenda 14 ditëve nga blerja.

Për përmbajtjen digjitale që dorëzohet menjëherë, e drejta e tërheqjes mund të përfundojë pasi furnizimi ose shkarkimi ka filluar, kur kjo parashikohet nga ligji dhe konsumatori ka dhënë pëlqimin e kërkuar.

Libra24 mund të pranojë rimbursim kur kërkesa bëhet brenda 14 ditëve nga blerja dhe libri nuk është shkarkuar.

Pasi shkarkimi ka filluar, rimbursimi për ndryshim mendjeje zakonisht nuk pranohet, përveç rasteve kur ligji i zbatueshëm kërkon ndryshe.

Pagesat e dyfishta, file-t e dëmtuara, produktet e gabuara ose problemet reale teknike shqyrtohen veçmas.

Libra24 mund të pezullojë ose heqë një titull nga shitja kur përfundon e drejta e shpërndarjes, paraqitet një pretendim i besueshëm për copyright, kërkohet nga mbajtësi i të drejtave, ose kërkohet nga ligji.

Për blerjet e kryera më parë, Libra24 do të përpiqet të ruajë aksesin kur kjo është teknikisht dhe ligjërisht e mundur. Nëse furnizimi i produktit të paguar bëhet i pamundur dhe blerësi nuk ka marrë kopjen, Libra24 mund të ofrojë zgjidhje ose rimbursim sipas ligjit të zbatueshëm.

Autorët dhe shtëpitë botuese që bashkëpunojnë me Libra24 duhet të kenë të drejtat e nevojshme mbi materialet që ofrojnë dhe të mos dorëzojnë përmbajtje pirate ose të paautorizuar.

Marrëdhënia kontraktuale me autorët dhe botuesit, përqindjet, royalties dhe pagesat përkatëse menaxhohen nga Florenc Duhanxhiu PF dhe përcaktohen në marrëveshjet individuale të nënshkruara.

Nëse ekziston konflikt mes këtyre Kushteve dhe një marrëveshjeje specifike të nënshkruar me një autor ose botues, marrëveshja specifike prevalon për atë marrëdhënie.

Libra24 nuk pranon materiale pirate, përmbajtje të paautorizuar që cenon copyright-in ose të drejtat e palëve të treta, si edhe përmbajtje të paligjshme sipas ligjit të zbatueshëm.

Libra24 rezervon të drejtën të refuzojë, pezullojë ose heqë përmbajtje që shkel këto rregulla ose politikat e platformës.

Libra24 përpiqet ta mbajë platformën funksionale dhe informacionin sa më të saktë, por mund të ketë ndërprerje të përkohshme për mirëmbajtje, përditësime, probleme teknike ose shërbime të palëve të treta.

Në masën e lejuar nga ligji, Libra24 nuk mban përgjegjësi për humbje indirekte që vijnë nga përdorimi i papërshtatshëm i platformës ose nga rrethana jashtë kontrollit të saj.

Libra24 mund t’i përditësojë këto Kushte kur ndryshojnë funksionalitetet e platformës, proceset e pagesave, politikat ose kërkesat ligjore.

Versioni i përditësuar publikohet në këtë faqe dhe data e versionit të fundit ndryshohet përkatësisht.

Palët inkurajohen fillimisht të përpiqen të zgjidhin çdo mosmarrëveshje në mënyrë miqësore duke kontaktuar Libra24.

Në masën e lejuar nga ligji, mosmarrëveshjet që lidhen me përdorimin e Libra24, marrëdhëniet kontraktuale dhe aktivitetin e platformës do t’i nënshtrohen ligjit shqiptar dhe juridiksionit të gjykatës kompetente në Korçë, Shqipëri.

Kjo dispozitë nuk synon të heqë të drejta që një konsumatori i garantohen detyrimisht nga ligji i zbatueshëm.