Kurbatka e bukur

Romani “Kurbatka e bukur” është një dokument artistik i ngjarjeve të ndodhura pas vitit 1997, kur vendi u zhyt në kaos dhe jeta e njerëzve ishte e pasigurt, por me kalimin e muajve rendi filloi dalëngadalë të rivendosej dhe jeta po i kthehej normalitetit duke mbartur edhe pasojat e rënda të trazirave, ndërsa pas mbarimit të luftës në Kosovë dhe çlirimit të saj historik Shërbimi Sekret u riorganizua mbi baza më të sigurta shoqërore dhe shkencore me përfshirjen e njerëzve të rinj plot energji e përkushtim, dhe në qendër të romanit qëndron një mësues i shkollës së mesme në një qytet pranë kryeqytetit i cili rekruton në shërbim një vajzë gjimnaziste të aftë për të kryer detyra të rëndësishme që kërkojnë guxim, kurajo, vendosmëri dhe zgjuarsi, ndërsa ngjarje reale dhe veprime njerëzore të thurura artistikisht rrokullisen përpara lexuesit me personazhe të vërtetë dhe të krijuar plot gjallëri që marrin pjesë në rrjedhën e jetës së vendit, ku konflikte të hapta dhe të fshehta gjallojnë kudo ku preken interesa dhe fate njerëzish, ndërsa thurja artistike e kujdesshme deri në filigranë dhe niveli i ngritur i rrëfimit romanor së bashku me shfaqjen besnike të realitetit e bëjnë këtë roman ndër më interesantët dhe më të parapëlqyerit për lexuesin e gjerë që e vlerëson artin e fjalës, duke mos qenë thjesht një rrëfim policor por një pasqyrë artistike e nivelit të lartë të një realiteti të kohës dhe vendit të caktuar.